Süd Vəzi Xəstəlikləri Mütəxəssisləri Assosiasiyasının I konfransı keçirilib

Fevralın 9-da Azərbaycan Tibb Universitetində “Süd Vəzi Xəstəlikləri Mütəxəssisləri Assosiasiyasının I konfransı keçirilib. Dövlət himnimiz səsləndirildikdən sonra ATU-nun Onkoloji Klinikasının direktor müavini, dosent Nigar Mehdiyeva açılış nitqi ilə çıxış edib. O, assosiasiyanın I konfransının çox əlamətdar tarixi hadisə - növbədənkənar Prezident seçkiləri ərəfəsinə təsadüf etməsindən məmnunluğunu dilə gətirib. Böyük səs çoxluğu ilə yenidən ölkə başçısı seçilən cənab İlham Əliyevi tədbir iştirakçıları adından təbrik edərək, bu tarixi qələbəni 44 günlük Vətən müharibəsi və antiterror əməliyyatı ilə tamamlanan zəfərlər silsiləsinin məntiqi nəticəsi kimi səciyyələndirib.