Sizi Azərbaycan Respublikası Səhiyyə Nazirliyi, Azərbaycan Tibb Universiteti, Milli Onkologiya Mərkəzi, Azərbaycan Tibb Universitetinin Onkoloji Klinikası, Azərbaycan Onkoloqlar Cəmiyyəti, Azərbaycan Süd Vəzi Xəstəlikləri Mütəxəssisləri Assosiasiyası və Beynəlxalq Senoloji Cəmiyyəti-nin birgə təşkilatçılığı ilə keçiriləcək 2 günlük “III Beynəlxalq Bakı Süd Vəzi Xərçəngi Konqresi” və “Beynəlxalq Senoloji Cəmiyyətin Azərbaycan Regional Konqresi”ndə iştirak etməyə dəvət edirik. Konqresin əsas məqsədi müxtəlif ölkələrin mütəxəssisləri arasında onkologiya sahəsində əməkdaşlığı gücləndirmək, müasir diaqnostik və terapevtik prosedurların tətbiqini təşviq etməkdir. Konqres müasir onkologiyanın inkişaf potensialını və müxtəlif ölkələrin yanaşmalarını nəzərə alaraq, gələcək üçün ən optimal və uyğun həllərin tapılmasına, elmi tədqiqatların genişləndirilməsinə və onkoloji xidmətin təkmilləşdirilməsinə xidmət edir. Konqresdə süd vəzi xəstəlikləri, süd vəzi xərçəngi və qadın reproduktiv sağlamlıq sahələrinə dair müxtəlif mövzular ətrafında simpoziumlar, konfrans-önü kurslar, e-poster sessiyaları və digər tədbirlər yer alacaqdır.